Anak ni Toni Gonzaga at Derek Paul Soriano na si Seve, apat na taong gulang na at binigyan ng intimate birthday celebration

Isang intimate birthday party ang inorganisa ng mag-asawang Toni Gonzaga at Paul Soriano para sa ikaapat na kaarawan ng kanilang unico hijo na si Severiano Elliott o mas kilala sa palayaw nitong ‘Seve’ nitong September 30.

Credit: *Celestine Gonzaga-Soriano Instagram*

Sa Instagram ay ibinahagi ni Toni ang ilang larawan kuha mula sa pagdiriwang ng kaarawan ng anak.
Caption ng IG post ni Toni, “Our favorite day of the year! Happy birthday Seve! We love you so much!”

Ayon sa nakalagay na lokasyon sa IG post ni Toni ay nangyari ang party sa The Monochrome Nuvali sa Santa Rosa City, Laguna.

Isang malaking inflatable playground ang ipinalagay nina Toni at Paul para sa kaarawan ng anak. Nag-ala manong sorbetero rin si Derek Paul habang binibigyan ng sorbetes o ice cream si Seve.

Kahit simple lang ang naging pagdiriwang niya ng kanyang kaarawan ay halatang nag-enjoy pa rin si Seve.

View this post on Instagram

From baptism to his 4th! We are so delighted to see you grow with so much joy. Happy happy birthday, Seve! 💙 #seve #cocoonstudioph
A post shared by Cocoon Studio (@cocoonstudioph) on Sep 30, 2020 at 6:37am PDT

Ito ang unang beses na hindi magarbo ang set up ng kaarawan ng nag-iisang anak nina Toni at Paul. Matatandaang sa mga dati niyang kaarawan ay parating bongga ang mga theme nito. Noong nakaraang taon, napaka-engrande ng train-themed party na inihanda nina Toni at Paul para sa kaarawan ng anak.

View this post on Instagram

His birthday dance! Go Sevs!🥰
A post shared by Celestine Gonzaga-Soriano (@celestinegonzaga) on Sep 30, 2020 at 5:59am PDT

Samantala, dahil bawal pa rin ang mga mass gathering ngayong panahon ng qu@rantine ay immediate family lang muna nina Toni at Derek Paul ang nakadalo sa birthday party.

Ngunit sa mga larawang ibinahagi ng mag-asawa sa social media ay makikitang pamilya lang ni Derek Paul ang nakadalo sa party.

Hindi nakadalo ang magulang pati na ang kapatid ni Toni na si Alex Gonzaga sa kaarawan ni Seve.
Gayunpaman, sa comment section ng post ay nagbigay ng mensahe ang magulang at kapatid ni Toni para kay Seve.

View this post on Instagram

An old video of our baby Chumbs. Maloko mana talaga sa tata! Kawawa ang ina. Ang difference lang namin mas magaling sya mag-english 😂🤣
A post shared by Alex Gonzaga (@cathygonzaga) on Sep 30, 2020 at 6:03am PDT

Komento ni Pinty Gonzaga, “hi my cute seve boy happiest birthday apo [heart emoji] sorry we missed your party. more birthday to come more blessings and good health! love you always pogiiii [heart emoji]”

Sa Instagram ni Alex ay ibinahagi nito ang isang larawan kung saan kasama niya si Toni at Seve.
Sa caption, nagbigay ng mensahe si Alex para sa nag-iisa niyang pamangkin.

Ani Alex, “Happy Birthday Seve!! Tata will always be here for you as the cooler 2nd mom! Hihihihih love you baby! @severianoelliott”

Binati rin si Seve ng mga kasamahan ni Toni sa showbiz. Kabilang dito sina Maja Salvador, Luis Manzano, Julia Barretto, Melai Cantiveros, Marjorie Barretto, Jolina Magdangal at marami pang iba.