Anak nina Vic Sotto at Pauleen Luna na si Tali, masayang nagdiwang ng kanyang ika-tatlong kaarawan!

Isa sa mga nagbibigay ng labis na kaligayahan sa mag-asawang Vic Sotto at Pauleen Luna ang kanilang anak na si Baby Tali.

Credit: *Marie Pauleen Luna- Sotto Instagram*

Ngunit ngayong araw, ay siya naman ang pinasaya ng kanyang mga magulang.
Ipinagdiriwang kasi ni Baby Tali ngayong araw, November 6, ang kanyang ikatatlong taong kaarawan.

Kahit sa bahay lamang ginanap ang birthday party ni Baby Tali ay naging espesyal at masaya pa rin ito.

Hango mula sa Disney animated series na “Sofia the First” ang tema na naisip nina Vic at Pauleen para sa ikatatlong kaarawan ni Baby Tali.

Sa Instagram ni Pauleen, ay masaya niyang ibinahagi ang ilang larawan kuha mula sa birthday party ni Baby Tali.

Cute na cute si Baby Tali sa kanyang purple dress.

Makikita rin na present ang karamihan sa kanyang mga kapatid kagaya na lamang nina Oyo Boy Sotto at Danica Sotto kasama ang kanilang mga asawa at anak.

Masaya namang nakipaglaro si Baby Tali sa mga anak ng kanyang mga nakakatandang kapatid.

Sa isang larawan ay makikita si Baby Tali na nag-eenjoy sa iba’t ibang art activity kasama ang kanyang mga pamangkin.

Isang sweet birthday message naman ang sinulat ni Pauleen para sa kanyang first baby.

Mensahe ni Pauleen sa anak, “Happy birthday to this ball of sunshine! Thank you for bringing great joy to our lives anak! You are a blessing to us and to a lot of people. I pray that you’ll grow up to be a kind and giving person. We are grateful for your love anak! Thank you for giving meaning and purpose to my life. Happy 3rd birthday!”

Pinasalamatan naman ni Pauleen ang kanilang mga kaibigan at kapamilya na dumalo sa birthday party ni Baby Tali.

Aniya, “A BIG THANK YOU to our friends and family for making this day EXTRA special for our little girl! Seeing her happy is the best thing ever and boy was she happy today! Grateful for your presence, fam! Love you all!”