Bunsong anak nina Judy Ann Santos at Ryan Agoncillo na si Luna, nagdiwang ng ika-5 kaarawan

Naging masaya ang pagdiriwang ng bunsong anak ng mag-asawang Judy Ann Santos at Ryan Agoncillo na si Juana Luisa o Luna ng kanyang ika-5 taong kaarawan nitong January 8.

Dahil ipinagbabawal pa rin ang mga malalaking pagtitipon, ginanap lamang online ang birthday party ni Luna.

Isang “Minnie Mouse themed” Zoom party ang inorganisa ni Judy Ann para sa kanyang bunsong anak.
Ibinahagi naman ni Judy Ann sa kanyang Instagram account ang ilang larawan kuha mula sa birthday party ni Luna. Sa larawan ay makikita si Luna na napaka-cute sa suot niyang dress at mouse ear headband.

Kumpleto rin ang pamilya ni Judy Ann. Makikita sa larawan ang buong Agoncillo family na nakasuot ng pink tshirt.

Sa isang larawan, napakasayang tingnan ni Luna kasama ang kanyang mga kapatid na sina Yohan at Lucho.

Ayon kay Judy Ann, excited at inaabangan daw talaga ni Luna ang kanyang birthday celebration ngayong taon.

Kwento pa ni Judy Ann sa caption ng kanyang post, enjoy na enjoy at sobrang saya umano ni Luna dahil nakita at nakalaro niya ang kanyang mga kaibigan sa kanyang kaarawan kahit “virtual” lamang.

“Our little bunny turned 5 yesterday.. she’s been looking forward to her “minnie mouse themed” zoom party with friends eversince after Christmas. ❤️❤️ she had soo much fun, seeing and playing with her friends kahit virtual lang,” ani Judy Ann.

Pinasalamatan naman ni Judy Ann ang organizer at mga supplier ng birthday party ni Luna.

Ani Judy Ann, “thank you @teenabarretto for making this happen! Galing mo talaga mars! And a big shout out to our suppliers! ❤️❤️❤️ thank you sooo much! To our McDonald’s family… thank you for everyone’s food yesterday!”

 

View this post on Instagram

 

A post shared by Judy Ann Agoncillo (@officialjuday)

Idinaan din ni Judy Ann sa isang Instagram post ang sweet birthday message niya para sa kanyang bunsong anak.

Ani Judy Ann, “Our little potpot, my little sous chef, kikay baby, wacky bunso happy 5th sweetheart! Oh my.. parang hindi ka naman 5.. parang 25 ka na. 😅 the way you think, talk and understand are just some of your traits that truly amazes mommy and daddy.. we will forever be grateful for you sweetheart.. we love you forever and ever and ever.”