Halos hindi makapaniwala ang aktres na si Jasmine Curtis-Smith sa natanggap niyang komento mula sa isang netizen kung saan ay tinanong siya nito kung ‘anak’ ba niya ang kanyang nakakatandang kapatid na si “It’s Showtime” host Anne Curtis.
Credit: @jascurtissmith Instagram
Nito lamang May 17, isang video ang inupload ni Jasmine sa kanyang TikTok account kung saan ibinahagi niya ang kanyang reaksyon sa komento ng nasabing netizen.
Komento ng netizen, “‘Di ba po anak mo po si Ms. Anne Curtis?”
Sa kanyang reaksyon ay halos mapaiyak naman si Jasmine. Bakas sa mukha ni Jasmine ang gulat sa tanong ng netizen.
Mangiyak-ngiyak na tugon ni Jasmine sa tanong ng netizen, “Ten years akong mas bata sa kanya?”
Credit: @jascurtissmith Instagram
Dagdag pa niya sa caption ng video, “KELAN PO? BAKIT PO AKO PA YUNG NANAY?”
Tulad ni Jasmine ay naloka rin ang ilan pang netizens sa tanong ng nasabing TikTok user. Gayunpaman, marami ang natawa sa naging reaksyon ni Jasmine.
“it’s the ‘ten years akong mas bata sa kanya’, I cannot mare HAHAHAHAHAHA”
“hahaha Why some people have wrong information, didn’t they asked google for it?”
Credit: @jascurtissmith Instagram
“HAHAHAHAHAHAHA MADE MY DAY! BAKIIIT NAMAN GANON GUYS”
“omg this had me laughing HAHAHAHAHA”
Ayon naman sa hiwalay na tugon ni Jasmine, mas hihilingin pa niyang maging ‘ate’ kaysa umano maging nanay ni Anne. Aniya, “sana naging Ate ako hindi Nanay sa pag-iisip niya.”
Pinusuan ng marami ang TikTok video ni Jasmine. Sa ngayon ay umabot na sa halos 900K likes ang nasabing reaction video ni Jasmine. Mahigit 6 na milyon na rin ang nakapanood nito sa TikTok.
Credit: @jascurtissmith Instagram
Noong nakaraang February 17, ipinagdiwang ni Anne ang kanyang ika-36 kaarawan kung saan nakatanggap siya ng isang matamis na mensahe mula kay Jasmine. Pinangako ni Jasmine na palagi siyang nariyan para sa kanyang Ate Anne na inilarawan niya bilang “best Sestra”.
Aniya, “Bestest birthday to the bestest Sestra 💖Will be with you every step of life. Like when I was your maid of honor when you became a wife. Like when you taught me strength through your frights. Like that time you learned to empower yourself and taught me about my own might. You never fail our family, and will always be our brightest light.”
Dagdag pa ng Kapuso actress, “I love you Sestra, for all that you are and will evolve to be. I love you Sestra, we all do.. the Curtis-Smiths, Heussaffs, your friends, the world and, Dahlia Amélie.”
Bukod sa isang mabuting kapatid kay Anne, si Jasmine ay isang mabuting “tita” din para sa kanyang pamangkin na si Dahlia Amelie.