Pauleen Luna, sinagot ang netizen na nagtanong kung buntis na siya sa pangalawang anak nila ni Bossing Vic Sotto

Isa sina Pauleen Luna at Bossing Vic Sotto sa mga celebrity couple na walang kupas sa pagbibigay ng kilig sa kanilang mga tagahanga.

Nitong January 30, ipinagdiwang nina Pauleen at Bossing Vic ang kanilang ika-5 taong wedding anniversary. 

Credit: @pauleenlunasotto Instagram 

Sa loob naman ng kanilang limang taong pagsasama bilang mag-asawa, pinatunayan nina Pauleen at Bossing Vic na kahit maraming taon ang lumipas ay hindi mababawasan ang pagmamahal nila para sa isa’t isa. Bagkus, mas lalo pang tumitibay ang kanilang pagsasama at lumalalim ang kanilang pagmamahal para sa isa’t isa.

Samantala, isa naman sa mga dahilan kaya masaya at matibay ang relasyon nina Bossing Vic at Pauleen ay ang kanilang napaka-cute at masayahing anak na si Tali.

Credit: @pauleenlunasotto Instagram

Kamakailan lamang din ay umusbong ang mga espekulasyon na magkakaroon na ng kapatid si Tali na itinanggi naman ni Pauleen.

Isang simpleng “no” nga ang naging sagot ni Pauleen nang tanungin siya ng isang netizen kung siya ay buntis na ba sa ikalawang anak nila ni Bossing Vic.

Marami ang nagsasabi na pwede na ngang sundan nina Pauleen at Bossing Vic si Tali.

Mukha namang noong 2018 pa handa si Bossing Vic na sundan si Tali base na rin sa isang interview na ginawa nila para sa 24 Oras.

Credit: @pauleenlunasotto Instagram

Pahayag ni Vic sa nasabing interview, “Ako okay lang [na sundan si Baby Tali]”

Ayon naman kay Pauleen, kung bibiyayaan muli sila ng Diyos ng isang supling ay tiyak malaking blessing ito para sa kanilang mag-asawa.

Ani Pauleen, “Kung ibibigay, of course, it will be a very big blessing.”

Credit: @pauleenlunasotto Instagram

Noon lamang November 6, 2020 ay masayang nagdiwang si Tali ng kanyang ika-3 taong kaarawan.

Sa isinulat namang birthday message ni Pauleen para sa kanyang unang anak sinabi niya na ito umano ang nagbigay ng “meaning” at “purpose” sa kanyang buhay.

Mensahe ni Pauleen sa anak, “Happy birthday to this ball of sunshine! Thank you for bringing great joy to our lives anak! You are a blessing to us and to a lot of people. I pray that you’ll grow up to be a kind and giving person. We are grateful for your love anak! Thank you for giving meaning and purpose to my life. Happy 3rd birthday!”

Credit: @pauleenlunasotto Instagram

Si Tali o Talitha Maria Luna-Sotto ay bunso sa limang anak ni Vic. Mga nakakatandang kapatid ni Tali sa kanyang ama sina Oyo Boy Sotto, Danica Sotto, Vico Sotto, at Paulina.